हिउँदे अधिवेशन नियन्त्रणमुखी भयो : सोविता गौतम
मकालु खबर
काठमाडौँ । राष्ट्रिय स्वतन्त्र पार्टीकी सांसद सोविता गौतमले संसदको हिउँदे अधिवेशन नियन्त्रणमुखी भएको आरोप लगाएका हुन् ।
मंगलवार संसद भवन बाहिर सञ्चारकर्मीहरूसँग कुरा गर्दै उनले यस्तो बताएका हुन् ।
उनले रास्वपाको बुझाइमा चुनौतीपूर्ण र नियन्त्रणमुखी रहेको आरोप लगाए । उनले कानुन निर्माणका केही प्रक्रियाहरू संसदीय अभ्यासमा स्वाभाविक रूपमा अलिकति अगाडि बढेको महसुस आफूहरूले गरेको बताए । उनले रास्वपा सभापति रवि लामिछानेमाथिको निलम्बनको प्रक्रियालाई लिएर नियन्त्रणमुखी महसुस गरेको बताए ।
उनले भने ‘यो अधिवेशन हाम्रो बुझाइमा अत्यन्तै चुनौतीपूर्ण हामीले देख्यौँ । कानुन निर्माणका केही प्रक्रियाहरू संसदीय अभ्यासमा स्वाभाविक रूपमा अलिकति अगाडि बढेको महसुस भयो । अन्यथा धेरै विषयहरू अलि नियन्त्रणमुखी ढंगबाट प्रस्तुत भए भन्ने बुझाइ छ । हाम्रो पार्टी सभापति रवि लामिछानेमाथिको निलम्बनको प्रक्रिया हामीले अलिकति नियन्त्रण महसुस गरिरहेका हौँ । त्यसकारण संसदको गएको अधिवेशन अभ्यासका हिसाबले निकै चुनौतीपूर्ण, नियन्त्रणमुखी भएको महसुस गरेका छौँ ।’
उनले नेपालमा सबै विषयवस्तुलाई राजनीतिक दृष्टिकोणबाट हेर्ने गरिएकोप्रति आपत्ति जनाए ।
मकालु खबर
