हिउँदे अधिवेशनले विधायनको क्षेत्रमा प्रभावकारी काम गर्न सकेन : अर्जुननरसिंह केसी

काठमाडौँ । नेपाली काँग्रेसका सांसद अर्जुननरसिंह केसीले संसदको हिउँदे अधिवेशनले विधायनको क्षेत्रमा प्रभावकारी काम गर्न नसकेको बताएका छन् ।

मंगलवार संसद भवन परिसरमा सञ्चारकर्मीहरूसँग कुरा गर्दै उनले यस्तो बताएका हुन् ।

उनले सरकारले जारी गरेका अध्यादेशहरू पास भएपनि मूल विधेयकको रूपमा आउनुपर्ने कानुनहरू यथावत रहेको बताए । उनले संघीय विधेयक, शिक्षा विधेयकहरू जस्ता महत्त्वपूर्ण कानुनहरू यथावत रहेको कारण कानुन निर्माणमा हिउँदे अधिवेशनलाई प्रभावकारी मान्न नसकिने उनको धारणा छ ।

उनले नेपालले थप आन्दोलन र हिंसा थेग्न नसक्ने भन्दै यसतर्फ सरकार गम्भीर हुनुपर्ने बताए ।