संसद्ले ६१ दिनको १ सय १८ घण्टामा के-के गर्‍यो काम ?

काठमाडौं । प्रतिनिधि सभाको पाँचौँ अधिवेशन आज (मंगलबार) राति १२ बजेबाट अन्त्य हुँदैछ ।

गत माघ १८ गते शुक्रबारबाट सुरु भएको अधिवेशन चैत १९ गतेसम्म चलेको ६१ दिनमध्ये २५ दिनमा २७ वटा बैठक बसेका संसद् सचिवालयले जनाएको छ ।

११८ घण्टा २१ मिनेट संसदीय कामकारबाही भएको संघीय संसद सचिवालयले जनाएको छ । अधिवेशन अवधिमा अध्यादेशमार्फत आएका पाँच प्रतिस्थापन विधेयक पारित भएका छन् । फागुन ४ र चैत ७ मा प्रधानमन्त्रीसँग प्रश्नोत्तर कार्यक्रम समेत गरिएको छ ।