फिल्म रिलिजको तीन दिन अगावै ‘वसन्त’ को अग्रिम टिकट बुकिङ खुला

काठमाडौं । चैत २२ गतेदेखि प्रदर्शनमा आउन लागेको प्रकाश सपुत र स्वस्तिमा खड्का अभिनीत फिल्म ‘वसन्त’ को अग्रिम टिकट बिक्री खुला गरिएको छ।

मल्टिप्लेक्स हलहरूले फिल्म रिलिजको तीन दिनअघि शो तालिका सार्वजनिक गर्दै बुकिङ खुलाउन सुरू गरेका हुन्।

ठूलो मल्टिप्लेक्स चेन क्युएफएक्सले काठमाडौं उपत्यकाभित्र मात्रै पहिलो दिनका लागि यो फिल्मलाई ३३ शो दिएको छ। क्युएफएक्स अन्तर्गतका काठमाडौं बाहिरका हलमा पनि फिल्मले राम्रो शो पाएको छ।

प्रकाश सपुतको निर्देशनमा बनेको यो फिल्ममा प्रकाश र स्वस्तिमा खड्कासहित प्रभात पाल ठकुरी, श्री शिभान्सी, उर्मिला लाम्गादे, खड्ग बहादुर पुन खबपु०, अनुप बराल, कमलमणी नेपाल, प्रकाश घिमिरे, विशाल पहारी लगायतको अभिनय छ।