राजावादी प्रदर्शन : पत्रकार सुरेश रजकको जलेर मृत्यु भएको पुष्टि

काठमाडौं । गत शुक्रबार काठमाडौंको तीनकुने घटनामा मृत्यु भएका पत्रकार सुरेश रजकको पोस्टमार्टम गरिएको छ ।

त्रिवि शिक्षण अस्पतालको फोरेन्सिक विभागका चिकित्सकका अनुसार पत्रकार रजकको जलेर मृत्यु भएको पुष्टि भएको हो । राजावादीले गरेको प्रदर्शनमा आगजनीमा परेर उनको मृत्यु भएको पुष्टि भएको हो ।

चिकित्सकका अनुसार रजकको शरीरमा गोली भेटिएन । हिजो साँझ उनको एक्स–रे गरिएको थियो । एक्स–रेको रिपोर्टपछि बुधबार पोस्टमार्टम गरिएको हो ।

रजकको शरीरमा गोली लागेको हल्लापछि एक्स–रे गर्न ढिलाइ भएको थियो । पत्रकार रजकको शव परिवारलाई बुझाउने तयारी भइरहेको छ ।