बालेनलाई ज्ञानेन्द्रले भने – मर्दको बोली र बन्दुकको गोली फिर्ता हुनुहुँदैन

काठमाडौं । राष्ट्रिय प्रजातन्त्र पार्टी (राप्रपा) का सांसद ज्ञानेन्द्र शाहीले काठमाडौं महानगरपालिकाका मेयर बालेन शाहलाई मर्दको बोली र बन्दुकको गोली फिर्ता हुन नहुने बताएका छन् ।

उनले बिहीबार सामाजिक सञ्जाल फेसबुकमा स्टाटस लेख्दै सो कुरा बताएका हुन् । उनले लेखेका छन्,‘टुकुचामा गाढि हालौं छोड्नु हुँदैन।जबरजस्ती गरे भन्दैमा पछि हटनु हुँदैन। मर्दको बोली,बन्दुकको गोली कहिल्यै फिर्ता हुनु हुदैन ।’

मेयर शाहले एक हप्ताअघि संघीय सरकारले महानगरमा प्रमुख प्रशासकीय अधिकृत नपठाएमा टुकुचामा गाड्ने चेतावनी दिएका थिए ।

तर,सरकारले नयाँ प्रशासकीय अधिकृत नपठाएर सरोज गुरागाईंलाई नै हाजिर गर्न महानगरलाई आग्रह गरेको थियो । सोही अनुरुप आज गुरागाईंले कर्मचारी र जनप्रतिनिधिको बलमा महानगरमा हाजिर गरिसकेका छन् ।