विद्यापति पुरस्कारद्वारा दश श्रष्टा सम्मानित

काठमाडौं । विद्यापति पुरस्कार कोषद्वारा दश जना श्रष्टा पुरस्कृत भएका छन् ।

बिहीवार जनकपुरधाममा आयोजित कार्यक्रममा मैथिली भाषाका महाकवि विद्यापतिको नाममा स्थापित कोषले दश श्रष्टालाई सम्मान गरेको हो । प्रत्येक वर्ष पाँच जनालाई दिइने उक्त पुरस्कार २०८०/ २०८१ सालका लागि यस वर्ष प्रदान गरिएको कोषले जानकारी दिएको छ ।

नेपाल विद्यापति मैथिली कला संस्कृति पुरस्कार २०८० का लागि चर्चित मैथिली गायक रामकुमार मण्डल ९रामा मण्डल० तथा २०८१ का लागि दिपा मैथिली आर्ट ग्यालरीलाई प्रदान गरिएको छ ।

नेपाल विद्यापति मैथिली अनुसन्धान पुरस्कार २०८० का लागि विनोदकुमार यादव तथा २०८१ का माला कर्णलाई प्रदान गरिएको छ । नेपाल विद्यापति मैथिली पाण्डुलिपी पुरस्कार २०८० का लागि पत्रकार श्यामसुन्दर शशी तथा २०८१ का लागि कवि काशी कान्त झालाई प्रदान गरिएको छ ।

त्यस्तै नेपाल विद्यापति मैथिली अनुवाद पुरस्कार २०८० का लागि विद्याधर झा तथा २०८१ का लागि पत्रकार श्यामसुन्दर यादवलाई प्रदान गरिएको छ । पुरस्कृत भएकाहरुमध्ये भाषा साहित्य पुरस्कार २ लाख तथा बाँकी पुरस्कार एक–एक लाख राशीको तथा सम्मानपत्र रहेको छ ।

उक्त पुरस्कारको स्थापना २०६८ सालमा भएको कोषले जनाएको छ ।