बिस्काः जात्रा – भक्तपुरमा रथ निर्माण कार्य तीव्र (तस्बिरहरू)
मकालु खबर २०८१ चैत २५ गते
काठमाडौँ । भक्तपुरमा बिस्काः जात्राका लागि श्रीभैरवनाथको रथ निर्माण कार्य करिब अन्तिम चरणमा पुगेको छ ।
१५ सय वर्षभन्दा पुरानो ऐतिहासिक एवम् सांस्कृतिक ‘बिस्काः जात्रा’ नजिकिँदै गर्दा भक्तपुरमा रथ निर्माण कार्यलाई तीव्र पारिएको हो ।
भक्तपुरमा बिस्काः जात्रा ९ दिन ८ रातसम्म मनाइन्छ ।
बिस्काः जात्रा लिच्छविकालदेखि मनाउन थालिएको हो । यो ऐतिहासिक जात्रा विक्रम सम्वतको नयाँ वर्षको चार दिनअगाडि मनाइन्छ । जात्राको पहिलो दिन भैरवनाथ र श्रीभद्रकालीको रथ तानेर सुरु गरिन्छ । यसपालिको बिस्काः जात्रा यही चैत्र २८ गतेदेखि सुरु हुनेछ ।
यस जात्राका लागि तान्त्रिक विधिअनुसार काठैकाठको प्यागोडा शैलीको करिब ३५ फिट अग्लो तीनतले भैरवनाथको रथ निर्माण गरिन्छ ।
साथै श्रीभद्रकालीको सानो रथ पनि निर्माण हुँदै छ ।
हेर्नुहोस् तस्बिरहरू : 
मकालु खबर २०८१ चैत २५ गते
प्रतिक्रिया
सम्बन्धित
