काठमाडौंबाट रामेछाप जाँदै गरेको बस काभ्रेमा दुर्घटना, ११ घाइतेको परिचय खुल्यो
मकालु खबर
काठमाडौं । काभ्रेको रोशी गाउँपालिकामा आज बिहान भएको बस दुर्घटनामा ११ जना घाइते भएका छन् । बिहीबार बिहान, लगभग साढे ८ बजे बीपी राजमार्गमा पर्ने रोशी गाउँपालिका-९, दाउनेमा काठमाडौँबाट रामेछाप जाँदै गरेको बस दुर्घटनामा परेको हो ।
प्रदेश ३-०१- ००६ ख. १३३९ नम्बरको बस खाँदबारीबाट काठमाडौँतर्फ आउँदै गरेको मे.१ ख ३३९४ नम्बरको हाइस गाडीलाई ठक्कर दिएर सडकबाट अन्दाजी २० मिटर तल खसेको प्रहरीले जनाएको छ । दुर्घटनामा १५ जनामध्ये ११ जना घाइते भएका छन् । वर्षाको कारण ब्रेक नलाग्दा बस अनियन्त्रित भएको अनुमान छ ।
घाइतेमध्ये एक वृद्धा महिला, ७३ वर्षीया सुन्तली बिकको अवस्था गम्भीर रहेको जनाइएको छ । अन्य घाइतेहरूका बारेमा प्रहरी कार्यालय काभ्रेले विवरण दिएका छन् । घाइतेहरूको उपचार मंगलटारको प्राथमिक स्वास्थकेन्द्रमा गरिनुका साथै, उनीहरूको अवस्थाका आधारमा केही व्यक्तिहरूलाई सामान्य डिस्चार्ज गरिएको छ भने, केहीको अवस्था मध्यम रहेको छ ।
घाइतेहरूको नाम, अवस्था र ठेगाना :-
- सुन्तली बिक (७३ वर्ष)
- अवस्था: गम्भीर (टाउकोमा चोट)
- ठेगाना: जिल्ला सोलु लिखुपिके गा.पा. ३
- छत्र बिक (७० वर्ष)
- अवस्था: मध्यम (टाउकोमा चोट)
- ठेगाना: ऐ.ऐ.
- रामसरण बिक (३४ वर्ष)
- अवस्था: मध्यम (टाउको र दाहिने पातोमा चोट)
- ठेगाना: जिल्ला रामेछाप मन्थली न.पा. ९
- सिता श्रेष्ठ (३३ वर्ष)
- अवस्था: मध्यम (टाउकोमा चोट)
- ठेगाना: जिल्ला काभ्रे बनेपा न.पा. १३
- पुजन श्रेष्ठ (२७ वर्ष)
- अवस्था: मध्यम (बायाँ करङमा चोट)
- ठेगाना: जिल्ला रामेछाप गोकुलगंगा गा.पा. १
- कुमुद देबकोटा (३५ वर्ष)
- अवस्था: मध्यम (टाउको र ढाडमा चोट)
- ठेगाना: जिल्ला काठमाडौँ नागार्जुन न.पा. ९
- जनक बुढाथोकी (६२ वर्ष)
- अवस्था: सामान्य (नाकमा चोट, डिस्चार्ज)
- ठेगाना: जिल्ला भक्तपुर चागुनारायण न.पा. ४
- पदम सुनुवार (३५ वर्ष)
- अवस्था: मध्यम (टाउकोमा चोट)
- ठेगाना: जिल्ला रामेछाप गोकुलगंगा गा.पा. ५
- ङावा शेर्पा (५० वर्ष)
- अवस्था: मध्यम (करङमा चोट)
- ठेगाना: जिल्ला रामेछाप बाम्तिभण्डार
- ङिमा शेर्पा (१० वर्ष)
- अवस्था: सामान्य (नाकमा चोट)
- ठेगाना: ऐ.ऐ.
- सुजता सुनुवार (२० वर्ष)
- अवस्था: सामान्य (डिस्चार्ज)
ठेगाना: जिल्ला रामेछाप गोकुलगंगा गा.पा. ३
मकालु खबर
