वडाध्यक्ष कुट्ने ५ जना पक्राउ

काठमाडौं । कालिकोटको पचलझरना गाउँपालिका– १ का वडाध्यक्ष रत्नलाल न्यौपानेमाथि कुटपिट गर्ने पाँच जना पक्राउ परेका छन् ।

वडाध्यक्षमाथि कुटपिटको आरोपमा सोही वडाका २१ वर्षीय उमेश, २० वर्षीय पारस, २० वर्षीय जनक, २५ वर्षीय तिलक र १९ वर्षीय कमल न्यौपाने पक्राउ परेका हुन् ।

बुधबार उपोभोक्ता समितिको छलफलका क्रममा विवाद भएपछि वडाध्यक्ष न्यौपानेमाथि ती युवाहरुले कुटपिट गरेका थिए । कुटपिटबाट न्यौपानेको टाउको र निधरमा चोट लागेको थियो ।