वीरगञ्जमा थप एक जनामा कोरोना संक्रमण, संक्रमितकाे संख्या ६० पुग्याे

काठमाडौं । नेपालमा कोरोना संक्रमितको संख्या ६० पुगेको छ । आज वीरगञ्ज महानगरपालिका वडा नम्बर ३ छपकैयाका ३६ वर्षीय पुरुषमा संक्रमण पुष्टि भएसँगै संक्रमितको संख्या ६० पुगेको हो ।

उनको शुक्रबार स्वाब संकलन गरिएको थियो । संक्रमण पुष्टि भएपछि उनलाई नारायणी अस्पताल ल्याइएको छ । अवस्था सामान्य रहेको छ ।

नेपालमा संक्रमितमध्ये १६ जना उपचारपछि निकाे भएर फर्किसकेका छन् । निको भएकामध्ये रौतहटका एक युवालाई भने फेरि अस्पताल भर्ना गरिएको छ । उनलाई नारायणी अस्पतालको आइसोलेसन वार्डमा भर्ना गरिएकाे छ ।