भारतबाट आएका थिए आज थपिएका १० नयाँ संक्रमित

काठमाडौं । आज (सोमबार) थपिएका १० नयाँ कोरोना भाइरस (कोभिड १९) संक्रमित भारतबाट आएको खुलेको छ ।

स्वास्थ्य तथा जनसंख्या मन्त्रालयका अनुसार आज काठमाडौंको राष्ट्रिय प्रयोगशालामा परीक्षण गर्दा कपिलवस्तु जिल्लाको यशोधरा गाउँपालिका ५ र बुद्धभूमि नगरपालिका ७ र १० का १० जनामा संक्रमण पुष्टि भएको छ । संक्रमितहरु सबै पुरुष हुन् ।

ती संक्रमितहरु नेपालमा जारी लकडाउन उल्लंघन गर्दै प्रवेश सीमा प्रवेश गरेका थिए । सुरक्षाकर्मीको आँखा छली लुकिछिपी दशगजा क्षेत्रबाट कपिलवस्तुको यशोधरा गाउँपालिका–५ र बुद्धभूमि नगरपालिकामा छिरेका उनीहरुलाई गौतम माध्यमिक विद्यालयमा क्वारेन्टाइनमा राखिएको थियो ।