कोरोनाबाट ज्यान गुमाएकी महिलाको शिशुसहित परिवारको रिपोर्ट नेगेटिभ
मकालु खबर
२०७७ जेठ ५ गते
काठमाडौं । कोरोना भाइरसका कारण जयान गुमाएकी सिन्धुपाल्चोककी महिलाको शिशुसहित परिवारका चार जना सदस्यको कोरोना नेगेटिभ आएको छ । धुलिखेल अस्पतालमा गरिएको पीसीआर परीक्षणमा १३ दिने शिशुसहित सबैको रिपोर्ट नेगेटिभ आएको हो ।
मृतक सिन्धुपाल्चोक–९ की २९ वर्षीया महिलामा कोरोना संक्रमण पुष्टि भएपछि शिशुसहित मृतकको श्रीमान, माइतीतर्फको आमा र बहिनीको पनि नमुना संकलन भएको थियो । नतिजा नेगेटिभ देखिएपछि शिशुसहित सबैलाई जिल्लाको क्वारेन्टाइनमा पठाउने तयारी गरिएको छ ।
सिन्धुपाल्चोको बाह्रविसे नगरपालिका ९ राम्चे घर भएकी महिलाको गत बिहीबार साँझ धुलिखेल अस्पताल ल्याउने क्रममा मृत्यु भएको थियो । उनले गत बैशाख २४ गते काठमाडौंको टिचिङ अस्पतालमा शिशुलाई जन्म दिएकी थिइन् ।
मकालु खबर
२०७७ जेठ ५ गते
प्रतिक्रिया
सम्बन्धित