श्रीलंकाका तीव्र गतिका बलर मदुसंका ड्रग्स केसमा पक्राउ

श्रीलंका । श्रीलंकाका तीव्र गतिका बलर सेहान मदुसंका ड्रग्स केसमा पक्राउ परेका छन् । आइतबार श्रीलंकाको पन्नालाबाट उनी पक्राउ परेका हुन् ।

२५ वर्षीय मदुसंकाले लकडाउनका समयमा नियम उल्लंघन गर्दै कार चलाइरहेका थिए । सो समयमा खानतलासी गर्दा प्रहरीले उनको साथबाट दुई ग्राम ड्रग्स फेला पारेको थियो । त्यसपछि उनलाई प्रहरीले नियन्त्रणमा लिएको हो । उनी अहिले हिरासतमा छन् ।

मदुसंकाले २७ जनवरी २०१८ मा ढाकामा बंगलादेशविरुद्ध खेल्दै एकदिवसीय अन्तर्राष्ट्रियमा डेब्यु गरेका थिए । डेब्यु खेलमा नै उत्कृष्ट प्रदर्शन गर्दै उनले ह्याट्रिक लिएका थिए । उक्त खेल श्रीलंका ७९ रनले विजयी भएको थियो । एजेन्सी