झापाबाट काठमाडौं ल्याइएकाे बिरामीमा कोरोना भाइरस नभएको पुष्टि
मकालु खबर २०७६ चैत ३ गते
चैत ३, काठमाडौं । कोरोना भाइरस (कोभिड–१९) सङ्क्रमणको आशङ्कामा झापाबाट आइतबार काठमाडौँ ल्याइएका एक बिरामीलाई कोरोना भाइरस नभएको पुष्टि भएको छ ।
भद्र्रपुर–७ का ४२ वर्षीय व्यक्तिलाई सङ्क्रमणको आशङ्कामा विराटनगरस्थित नोबेल मेडिकल कलेजबाट काठमाडौँको धापासीस्थित ग्राण्डी अन्तरराष्ट्रिय अस्पताल सिफारिस गरिएको थियो ।
ग्राण्डी अस्पतालका मेडिकल डाइरेक्टर डा चक्रराज पाण्डेले ती बिरामीलाई कोभिड–१९ नभएको स्पष्ट गरेका छन् । ‘ती बिरामीलाई जाँच गर्दा सामान्य रुघाखोकी र ज्वरो आएको भेटियो तर कोभिड–१९ को भने सङ्क्रमण देखिएको छैन’, उनले भने ।
रासस
मकालु खबर २०७६ चैत ३ गते
प्रतिक्रिया
सम्बन्धित
