रवि अधिकारीको ‘निष्ठुरी’ गीत सार्वजनिक

असोज ११, काठमाडौं । सञ्चारकर्मी रवि अधिकारीको शब्द रहेको ‘आँशुको अर्थ’ र ‘आँशुको अर्थ भाग २’ को सफलता पछी नयाँ गीत सार्वजनिक भएको छ । अधिकारीको शब्द र चर्चित गायक शिव परियारको आवाजमा रहेको ‘निष्ठुरी’ बोलको गीत सार्वजनिक भएको छ । 

माया, प्रेम र धोकाको कथा बोकेको ‘निष्ठुरी’ बोलको उक्त गीत शुक्रबार बिहान नमस्ते फिल्मीको अफिसियल युट्युब च्यानलबाट सार्वजनिक भएको हो । सार्वजनिक गीतमा दीपक शर्माको संगीत र रिदम कँडेलको संगीत संयोजन रहेको छ । 

गीतले मायाको अर्थ नभुझी धनको पछी लाग्ने एक युवतीको कथा बोकेको छ । गीतमा उत्सव र स्नेहा प्रेमी प्रेमिका हुन्छन् । पछी स्नेहाको भेट सफल उद्योगपती जनकसँग हुन्छ र उनले उत्सवलाई छोड्छन् । एक सामान्य युवा उत्सव पछी नेपालको सुपरस्टार गायक बन्छ । उता स्नेहाले धनको पछी लाग्दा धोका पाउँछे र फेरी उत्सवको जीवनमा फर्किन चाहँदा उत्सवले अस्विकार गर्छन् ।     

गीतको भिडियोमा स्नेहा पौडेल, उत्सव अधिकारी, जनक थपलिया र सुशान्त कुमार श्रेष्ठ लगायत फिचर्ड रहेका छन् । सशान कँडेलले निर्देशन गरेको भिडियोलाई नबराज उप्रेतीले खिचेका हुन् भने बिकास धमलाले सम्पादन गरेका हुन् । 

हेर्नुहाेस भिडियाे 

https://youtu.be/rtPtJzivkJA