कोरोना भाइरसको संक्रमणबाट शरीरमा कस्तो परिवर्तन आउँछ ?
मकालु खबर
माघ २१, एजेन्सी । कोरोना भाइरसको संक्रमणसँग डाक्टरको लडाईं नचिनेको दुश्मविरुद्धको लडाईं भएको छ । यसले हाम्रो शरीरमा कसरी हमला गर्छ ? संक्रमण पश्चात मानिसको शरीरमा कस्ता कस्ता खालका लक्षण देखिन्छन् ?
किन मानिसमा यो संक्रमणपछि गम्भिर बिरामी या मृत्युको आशंका हुने गर्छ ?
चीनको वुहान शहरको जिन्यिन्तान हस्पिटलमा कोरोना भाइरस संक्रमितको उपचारमा संलग्न डाक्टरहरुले अब भने यी सबै प्रश्नका जवाफ दिन थालेका छन् ।
कोरााना भाइरसबाट संक्रमित पहिलो ९९ जना बिरामीको उपचारको विस्तृत जानकारी लासेट मेडिकल जर्नलमा प्रकाशित गरिएको छ ।
फोक्सोमा आक्रमण
वुहानको जिन्यिन्तान हस्पिटलमा लगिएका ९९ जना बिरामीमा निमोनियाको लक्षण देखिएको थियो ।
यी बिरामीलाई फोक्सोमा समस्या थियो र फोक्सोको त्यो भाग जहाँ बाट अक्सिजन रगतमा प्रवाह हुन्छ त्यहाँ पानी भरिएको थियो ।
दोश्रो लक्षण
८२ जनालाई ज्वरो आएको थियो ।
८१ जनालाई खोकी लागेको थियो ।
३१ जनालाई सास फेर्न गाह्रो भैरहेको थियो ।
११ जनालाई शरीरमा दुखाइ थियो ।
९ जनालाई भ्रम भइरहेको थियो ।
८ जनालाई टाउको दुखेको थियो ।
मृत्युको सुरुवाती घटना
कोरोना भाइरसबाट संक्रमित दुई बिरामीको पहिला मृत्यु भयो, उनी पहिला स्वस्थ नै देखिएका थिए । उनीमा लामो समयदेखि धुमपानको लत थियो र यस्तो पनि हुनसक्छ कि यही कारण उनको फोक्सो कमजोर भएको थियो ।
६१ वर्षीय जुन व्यक्तिको अस्पताल लगिएको थियो, उनी गम्भिर रुपमा निमोनियाबाट ग्रसित थिए । उनलाई सास फेर्न धेरै नै समस्या भइरहेको थियो । तपाई अनुमान लगाउँन सक्नु हुनछ कि उक्त मानिसको फोक्सो शरीरलाई जिउँदो राख्न चाहिने अक्सिजनको सप्लाइ गर्न सकिरहेको थिएन ।
भेन्टिलेटरमा राख्दा पनि उक्त व्यक्तिको फोक्सोले काम गर्न सकेन र उसको मुटुले काम गर्न सकेन ।
त्यस्तै दोश्रो बिरामी ६९ वर्षका थिए र उनलाई पनि सास फेर्न गाह्रो भइरहेको थियो । उनलाई क्रितिम तरिकाबाट अक्सिजन दिने कोशिश गरिएको थियो तर त्यो सफल हुन सकेन । उनको निमोनिका कारण ज्यान गयो ।
मकालु खबर
