साग अन्तर्गत आज हुने खेलहरु

मंसिर १६, काठमाडौँ । काठमाडौँमा जारी दक्षिण यसियाली खेलकुद प्रतियोगिता (साग) अन्तर्गत आज सोमबार टेबलटेनिस, कराँते, तेक्वान्दो र टेनिसखेल हुँदै छ । आज बिहान १० बजे राष्ट्रिय टेबलटेनिस प्रशिक्षण केन्द्र लैनचौरमा टेबलटेनिउ प्रतियोगिता हुँदै छ भने अहिले ९ बजे कारातेको विभिन्न ५ स्वर्णका लागि अन्तर्राष्ट्रिय खेलकुद परिसर करातेहल सातदोबाटोमा प्रतिस्पर्धा हुने छ ।   

त्यसैगरी आजै बिहान ९ बजे टेनिस कम्प्लेक्स, सातदोबाटोमा टेनिस प्रतियोगिता हुने छ भने ९ बजेदेखि नै तेक्वान्दोको १३ स्वर्णका लागि तेक्वान्दो हल सातदोबाटोमा खेल हुने बताइएको छ । सागको आइतबार राष्ट्रपति विद्यादेवी भण्डारीद्वारा औपचारिक उद्घाटन भएको थियो । साग अन्तर्गत विभिन्न खेलहरु हुने छन् ।