पूर्वउपसचिवको छोरीको कोठामा कसले गोली प्रहार गर्याे ?

साउन १४, काठमाडौँ । काठमाडौँको कलंकीमा सोमबार राती पूर्वउपसचिव तथा हाइड्रो कन्सल्ट्यान्ट इन्जिनियर विष्णुप्रसाद शर्माको तीनतले घरमा गोली प्रहार भएको छ । 

कलंकीमाई मन्दिरछेऊमा अवस्थीत शर्माको घरको दोस्रो तलामा रहेको छोरीको कोठामा गोली प्रहार भएको हो । 

null

उक्त कोठामा छोरी पढीरहेको अवस्थामा एक्कासी ठूलो आवाजमा सिसा फुटेको सुनेपछी कोठामा के भएछ भनी हेर्न अन्य सदस्य जाँदा त्यहाँ गोली जस्तो बस्तु देखिएपछी उनीहरुले तत्तकाल प्रहरीलाई खबर गरेको काठमाडौं प्रहरी परिसर, टेकुका प्रमुख उत्तमराज सुवेदी बताउँछन् । 

गोलीले झ्यालको जाली र पर्दा छेडे पनि कुनै अप्रिय घटना भने हुन नपाएको प्रहरीले जानकारी दिएका छन् । प्रहरीका अनुसार इन्सास राइफलको जस्तो देखिने गोली १ राउन्ड प्रहार भएकाे हाे । 

गोली कसले र किन चलायो भन्ने बारे कारण खुल्न नकिएको यस घटनाबारे अनुसन्धान भईरहेको प्रहरीले जानकारी  दिएकाे छ ।