पेशेवर ११ जुवाडे प्रहरीको फन्दामा

विष्णु जोशी
साउन ११, कञ्चनपुर । लुकिछिपी जुवा तास खेलिरहेका ११ जनालाई प्रहरीले नियन्त्रणमा लिएको छ । कञ्चंनपुरको महेन्द्रनगरबाट प्रहरीले उनीहरुलाई नियन्त्रणमा लिएको हो।
महेन्द्रनगरस्थित क्याम्पस रोडमा रहेको एक घरमा लुकिछिपी जुवा तास खेलिरहेको अवस्थामा प्रहरीले एघार जनालाई ५ लाख ९४ हजार ३०० रकमसहित नियनत्रणमा लिएको बताएको छ।
जिल्ला प्रहरी कार्यालय कञ्चनपुरका प्रहरी निरीक्षक हिरेन्द्रबहादुर रोकायाको नेतृत्वको टोलीले जुवा खेली रहेको अवस्थामा उनीहरुलाई पक्राउ गरेको हो । उनीहरूबाट तास, १ थान मोटरसाइकल र १० थान मोबाइल सेट समेत प्रहरीले नियन्त्रणमा लिएको जनाएको छ ।
प्रहरी निरीक्षक रोकायाले ११ जुवाडे पक्राउ गरिएको बताउँदै उनीहरूको साथमा बरामद सा़मानको विवरण संकलन गरिरहेको जानकारी दिए ।

उक्त समूह कैलाली र कञ्चनपुरका जंगलदेखि कोठा भाडामा लिएर प्रहरीको आँखा छलेर लामो समयदेखि जुवा खेल्दै आएको प्रहरीको प्रारम्भिक अनुसन्धानमा देखिएको छ ।