रियल हारबाट जोगियो

“

एजेन्सी । गए राती रियल म्याड्रिड घरेलु मैदानमा हारबाट जोगिएको छ । सिजनको पहिलो खेलमा सहज जित हासिल गरेको रियलले भ्यालेन्सियासँग २–२ को बराबरी खेलेको हो ।

डिपोर्टिभो ला कुरुनासँगको खेलमा रातो कार्ड पाएर प्रतिबन्धमा रहेका सर्जियो रामोस कारणको ठाउँमा मौका पाएका एसेन्सियोले खेल सुरु भएकै १० मिनेटमा गोल गरेका थिए । तर, त्यो अग्रतालाई रियलले लामो समय जोगाउन सकेन ।

दबाबका बिच पनि कार्लोस सोलेरले १८ औँ मिनेटमा बराबरी गोल फर्काए । टोली लाटाको क्रसमा उनले गोल गरेका थिए । प्रतिबन्धमा रहेका सुपर स्टार रोनाल्डो विना दोस्रो हाफमा पनि रियल नै खेलमा हाबी भएको थियो ।

तर, भ्यालेन्सियाका लागि डेब्यू गरेका जेफ्री कान्डोगवियाले रियलका गोलकिपर केलोर नाभासर्लाइ विट गर्दै ७७ औँ मिनेटमा गोल गरेपछि रियल घरेलु मैदानमा पछि परेको थियो । तर, एसेन्सियोले टोलीका लागि ८३ औँ मिनेटमा अर्को गोल गर्दै टोलीको हार जोगाएका थिए ।

“