कैलालीको धनगढीबाट एक जना ब्राउन सुगर सहित पक्राउ

“

विष्णु जोशी, धनगढी । कैलालीको धनगढी उपमहानगरपालिका–२ को त्रिनगर भन्सार पुलमा भारत पलियाकला खिरी बस्ने ४० वर्षीय प्रदीप गर्ग ब्राउन सुगर सहित पक्राउ परेका छन् । क्षेत्रीय अनुसन्धान समूह सुपको टोलीले विशेष सूचनाको आधारमा चेकजाँच गर्दा आठ ग्राम ७० मिलिग्राम लागूऔषध ब्राउन सुगर (खैरो हिरोईन) फेला परेको जनाइएको छ ।

प्रहरीले गर्गको पाइन्टको भित्री खल्तीमा सेतो प्लाष्टिकको पोकामा राखेको अवस्थामा ब्राउन सुगर फेला पारेको हो । पक्राउ परेका गर्गलाई आरआईटी टोलीले आवश्यक कारबाहीका लागि जिल्ला प्रहरी कार्यालय कैलालीमा बुझाएको जनाइएको छ ।

उक्त लागूऔषध ब्राउन सुगर (खैरो हेरोईन) निजले भारतको पलियाबाट धनगढी बजारमा ल्याई विक्री वितरण गर्ने गरेको भन्ने निजको प्रारम्भिक बयानबाट खुल्न आएको कैलालीका प्रहरी प्रवक्ता वीरबहादुर बुढामगरले बताए ।

“