कांग्रेस नेता प्रतापराम लोहारको निधन
![](https://www.makalukhabar.com/wp-content/uploads/2023/10/Final-icon-Logo-2023.png)
२०७४ जेठ १५ गते
![](https://www.makalukhabar.com/wp-content/uploads/2021/01/nophoto.png)
“
काठमाडौं, भदौ २४ । नेपाली कांग्रेस केन्द्रीय कार्यसमितिका पूर्व आमन्त्रित सदस्य प्रतापराम लोहारको शुक्रबार बेलुका ७४ वर्षको उमेरमा निधन भएको छ ।
गएको केही समयदेखि मधुमेह, मिर्गाैला र उच्च रक्तचापबाट पीडित कञ्चनपुरका उहाँको ललितपुरको सुमेरु अस्पतालमा उपचारका क्रममा निधन भएको हो ।
कांग्रेसका सभापति एवं प्रधानमन्त्री शेरबहादुर देउवाले उहाँको निधनप्रति गहिरो दुःख व्यक्त गर्नुभएको छ । लोहारले कांग्रेसको संगठनमा निर्वाह गर्नुभएको भूमिकाको स्मरण गर्दै उहाँप्रति भावपूर्ण श्रद्धाञ्जली अर्पण गर्नुभएको पार्टीका मुख्यसचिव कृष्णप्रसाद पौडेलले जारी गरेको विज्ञप्तिमा जनाइएको छ । उहाँका श्रीमती, एक छोरा र चार छोरी हुनुहुन्छ ।
“
![](https://www.makalukhabar.com/wp-content/uploads/2023/10/Final-icon-Logo-2023.png)
२०७४ जेठ १५ गते
प्रतिक्रिया
सम्बन्धित