वीपी प्रतिष्ठानले आज गरेको ११ स्वाब परीक्षणमा सबै कोरोना नेगेटिभ

बैशाख ५, धरान । धरानस्थित वीपी कोइराला स्वास्थ्य विज्ञान प्रतिष्ठानले आज परीक्षण गरेको ११ वटा कोरोना स्वाब परीक्षणमा कोरोना नेगेटिभ देखिएको छ ।   

प्रतिष्ठानमा चार जिल्लाबाट आएका ११ वटा स्वाबमा कोरोना नेगेटिभ देखिएको प्रतिष्ठानका सह–प्रवक्ता डा. अशोक ऐरले जानकारी दिए । उनका अनुसार सुनसरीका तीन तथा मोरङका एक जनाले वीपी प्रतिष्ठानको कोरोना ल्याब परीक्षण सेन्टरमा स्वाब लिइएको थियो ।   

प्रतिष्ठानमा आज गरीएका स्वाब परीक्षणहरुमा खोटाङको ५ वटा, धनकुटाको २ वटा, सुनसरीको ३ वटा र मोरङको १ वटा रहेका छन् ।   

प्रतिष्ठानले अहिलेसम्म २९७ जनाको कोभिड–१९ स्क्रिनिङ गरेकोमा ३७ जनालाई विभिन्न क्वारेन्टाइनमा पठाएको थियो भने, २४२ जनालाई होम क्वारेन्टाइनमा पठाएको छ । प्रतिष्ठानमा अहिलेसम्म कोरोनाको आशंकामा आएकाहरुमा कोरोना संक्रमण देखिएको छैन ।