अन्तर्राष्ट्रिय आमन्त्रण पुरुष कबड्डी प्रतियोगिता असोज ५ गतेदेखि ७ गतेसम्म काठमाडौंमा हुने

“

काठमाडौं, असोज ३ । अखिल नेपाल कबड्डी संघले आगामी असोज ५ गतेदेखि ७ गतेसम्म काठमाडौंमा अन्तर्राष्ट्रिय आमन्त्रण पुरुष कबड्डी प्रतियोगिता आयोजना गर्ने भएको छ ।

आगामी असोज ५ गतेदेखि ७ गतेसम्म काठमाडौंमा हुने प्रतियोगितामा नेपाल, भारत, बंगलादेश र श्रीलंका गरी दक्षिण एसियाका चार राष्ट्रले प्रतिष्पर्धा गर्ने जनाइएको छ ।

त्रिपुरेश्वरस्थित दशरथ रंगशालाको कभर्ड हलमा आयोजना हुने उक्त प्रतियोगिता ‘राउण्ड रोबिन लिग’को आधारमा हुने छ । सम्पूर्ण खेलको समाप्तीपछि अंक तालिकाको शिर्ष स्थानमा रहने टोली च्याम्पियन घोषित हुने छ ।

“