यस्तो बन्यो ‘वीर विक्रम २’ को ट्रेलर

बैशाख १३, काठमाडौँ ।  नायक पल शाह, नायक नाजिर हुसेन तथा नायिका बर्षा शिवाकोटीद्वारा अभिनित चलचित्र ‘वीर विक्रम २’ को ट्रेलर सार्वजनिक भएको छ । 

मिलन चाम्सको निर्माण तथा निर्देशन रहेको ‘वीर विक्रम २’ को ट्रेलरको निर्माण पक्षले काठमाडौँमा पत्रकार सम्मलेन गरी सार्वजनिक गरेका हुन् । करिब ३ मिनेटको सावजनिक ट्रेलरमा मुख्य पात्रमा नायक पल शाह, नायक नाजिर हुसेन, नायिका बर्षा सिवाकोटी, कलाकार बुद्दि तामाङलाई देखाईएको छ । यस फिल्ममा  ‘पिरतीको मिठो तिर्सना र बाचा कसम’ जस्ता गित समावेश गरिएकाे छ ।  

null

माया, मित्रता एक्सन र दुश्मनीले समेटिएको यस चलचित्रमा बिर र बिक्रमको कथालाई चित्रण गरी बनाईएको छ । प्रदिप भारद्धाजद्वारा लेखिएको यस चलचित्रमा कार्यकारी निर्माता अर्पण सापकोटा रहेका छन् भने सह–निर्मात्रीमा रन्जिता सिवाकोटी रहेकी छिन् ।  यस चलचित्रकाे प्रर्दशन मिति भने जेष्ठ ३ मा तोकिएकाे छ ।