नेपाल निर्माण व्यवसायी महासंघ अध्यक्षमा श्रेष्ठ

कार्तिक १४, काठमाडौं । नेपाल निर्माण व्यवसायी महासंघका अध्यक्षमा विष्णुभाई श्रेष्ठ चयन भएका छन् । श्रेष्ठ महासंघको वरिष्ठ उपाध्यक्ष थिए ।

गत असोज २३ गते अध्यक्ष शरदकुमार गौचनको गोली हानी हत्या भएपछि श्रेष्ठलाई सोमबार अध्यक्षमा पदस्थापन गरिएको हो । यस्तै महासंघका वरिष्ठ उपाध्यक्षमा वर्तमान उपाध्यक्ष लक्ष्मणकुमार रानालाई पदस्थापन गरिएको छ ।

यसैबीच गौचनको हत्यारा पत्ता लगाउन सरकार उदासीन रहेको भन्दै महासंघले पुनः दबाबमूलक कार्यक्रम संचालन गर्ने भएको छ ।