छात्रालाई दुव्र्यवहार गरेको आरोपमा शिक्षक पक्राउ

“

असाेज २७, दार्चुना । दार्चुलाकाे विद्यालयमा छात्रालाई दुव्र्यवहार गरेको आरोपमा एक शिक्षकलार्इ प्रहरीले नियन्त्रणमा लिएको छ । जिल्लाको नौगाढ गाउँपालिका १ मा रहेको दुर्गा भवानी प्राथमिक विद्यालयमा कार्यरत शिक्षक मोहनलाल ठगुन्नाले बहिनी नाता पर्ने छात्रामाथि दुव्र्यवहार गरेको भनी प्रहरीमा उजुरी गरेपछि पक्राउ गरिएकाे हाे ।

असोज २२ गते शिक्षक ठगुन्नाले छात्रालाई दुव्र्यवहार गरेको भनी उनका दाइले प्रहरीमा उजुरी दिएपछि प्रहरीले शिक्षकलाई प्रक्राउ गरेको हो । विद्यालयको शौचालय सफा गर्न भन्दै शौचालयमा लगेर ५०० नगद दिने र तिहारमा लुगा किनिदिने प्रलोभन देखाई कक्षा ५ अध्ययनरत एक छात्रालाई ठगुन्नाले दुव्र्यवहार गरेको प्रहरीले जनाएको छ ।

शिक्षक ठगुन्नालाई पक्राउ गरी थप अनुसन्धानका लागि जिल्ला प्रहरी कार्यालय दार्चुला पठाइएको जनाइएकाे छ । साथै, विद्यालय व्यवस्थापन समितिको बैठक बसी शिक्षक ठगुन्नालाई बर्खास्त गर्ने निर्णय समेत गरेको छ ।

“