भोलिदेखि बन्द हुँदै पशुपतिको आरती, २५ जनाभन्दा बढी मलामी नआउन आग्रह
मकालु खबर
फाइल तस्वीर
चैत्र ७, काठमाडौं । कोरोना भाइरसको महामारी बढी रहेका बेला सरकारले पशुपति आर्यघाटमा पनि सकेसम्म २५ जना भन्दाबढी मलामी नआउन अनुरोध गरेको छ । सरकारले एकपटकमा एकै स्थानमा २५ जनाभन्दा बढी भेला हुन नपाउने निर्णय गरेपछि पशुपति क्षेत्र विकास कोषले सरकारी निर्णयलाई ख्याल गरिदिन सबैमा आग्रह गरेको हो ।
कोषका सदस्य सचिव प्रदीप ढकालले यस विषायमा घाटामा सूचना दिइसकिएको जनाएका छन् । उनले सामूहिक भजनर्कीतन पनि रोकिएको पनि जानकारी दिए ।
साथै पशुपति मन्दिर भित्र हुने नियमित नित्य पूजा चलिरहे पनि पशुपति मन्दिर बाहिर हुने आरती भने भोलिदेखि बन्द हुने पशुपति क्षेत्र विकास कोषले जनाएको छ ।
त्यस्तै कोषलले मन्दिर क्षेत्रभित्र प्रवेश गर्ने यात्रुलाई हात धोएर मात्रै जाने व्यवस्था गरेको छ भने पूजाअर्चनामा पनि विशेष सतर्कता बढाइएको छ ।
त्यसगरी घाटा र विद्युतीय शवदाह गृहको सरसफाइलाई पनि ध्यान पुर्याइएको जनाइएको छ ।
मकालु खबर
