नोबेलद्वारा बेलबारीमा निःशुल्क स्वास्थ्य शिविर
![](https://www.makalukhabar.com/wp-content/uploads/2023/10/Final-icon-Logo-2023.png)
![](https://www.makalukhabar.com/wp-content/uploads/2021/01/nophoto.png)
माघ ८, मोरङ । नोबेल शिक्षण अस्पतालले बुधबार मोरङको बेलबारीमा निःशुल्क स्वास्थ्य शिविर सञ्चालन गरेको छ । बेलबारी नगरपालिका–९ स्थित नलबारीमा सञ्चालित शिविरबाट ५ सय ६३ बिरामी लाभान्वित भएको नोबेल अस्पतालले जनाएको छ ।
शिविरमा १ सय ३३ जनाको ल्याव टेष्ट, १ सय ४ जनाको भिडियो एक्सरे र ८३ जनाको ईसीजी गरिएको अस्पताल प्रबन्धक नारायण दाहालले जानकारी दिए । नोबेलका बिशेषज्ञ डाक्टरहरुले शिविरमा बिरामीको स्वास्थ्य परिक्षण गरेका थिए । ग्रामिण क्षेत्रका बिपन्न बिरामीलाई लक्षित गरी नोबेलले पूर्वी नेपालका बिभिन्न स्थानमा निःशुल्क स्वास्थ्य शिविर सञ्चालन गर्दै आएको छ ।
यता, नोबेल अस्पताल सञ्चालक डा.सुनिल शर्माले सञ्चालन गरेको ‘घर–घरमा डाक्टर, घर–घरमा नर्स’ अभियान अर्न्तगत पनि हरेक दिन नोबेलका डाक्टर र नर्सको टोली एम्बुलेन्ससहित घर–घरमा पुगेर बिरामीको निःशुल्क उपचार गर्दै आएका छन् ।
![](https://www.makalukhabar.com/wp-content/uploads/2023/10/Final-icon-Logo-2023.png)