व्यवसायीको गाडीमा आगजनी

“

रत्ननगर, चितवन । यहाँका एक व्यवसायीको गाडीमा आगजनी भएको छ । गए राति एक्कासि गाडीमा आगजनी भएको पाइएको चितवनका प्रहरी उपरीक्षक दीपक थापाले जानकारी दिए । भरतपुर महानगरपालिका–१२ का बासिन्दा जग्गा व्यवसायी मनोज श्रेष्ठको बा १८ च ५४९ नंको गाडीमा आगजनी भएको हो । आगाेले गाडीको अधिकांश भाग जलेको छ ।

घटना कसले गराएको हो भन्ने नखुलेकाले अनुसन्धान भइरहेको थापाले जानकारी दिए । गाडीको ट्यांकीबाट आगो सल्किएको उनकाे भनाइ छ । रिक्सा चालकले आगो लागेको देखेपछि घटना थाहा भएको हो । रासस

“