बलिउड अभिनेत्री भाग्यश्रीका श्रीमान् पक्राउ

असार १९, भारत । बलिउड अभिनेत्री भाग्यश्रीका श्रीमान् हिमालय दासानीलाई मुम्बईको लोखण्डवाला इलाकामा जुवाको अड्डा संचालित गरेको आरोप लागेको छ । 

आरोपीसँग सोधपुछपछि नाम सार्वजनिक भएपछि उनलाई पक्राउ गरिएको हो । यद्यपि, मंगलबार अदालतले उनलाई जमानत दिएको छ । पुलिसले ११ जूनमा एक फ्ल्याटबाट २१ जुवाडेलाई पक्राउ गरेको थियो । 

null

पुलिसका अनुसार छापामारीको क्रममा फ्ल्याटबाट एउटा डायरी पनि भेटिएको थियो । यसमा जुवा अड्डाका मालिकको रुपमा दासानीको नाम लेखिएको थियो । त्यहाँबाट ७.५ लाख भारु नगद पनि बरामद गरिएको थियो । फ्ल्याटको हेरविचार गर्ने दीपक गुप्ताका अनुसार उक्त अड्डाका मालिक हिमालय दासानी र उनको पार्टनर करण ठक्करको हो । 

हिमालयले सन् १९९० मा भाग्यश्रीसँग विवाह गरेकी थिइन् । विवाहपछि भाग्यश्रीले श्रीमानसँग तीनवटा फिल्ममा काम गरिन् । दासानी एक प्रोडक्सन हाउस र केही अन्य व्यवसायका मालिक पनि हुन् । एजेन्सी