फ्राईडे रिलिजमा एक्लै आयो ‘रातो टिका निधारमा’

असोज १०, काठमाडौँ । हरेक साता फाईडे रिलिज परम्परालाई धान्ने क्रममा आजबाट देशभर नेपाली चलचित्र  ‘रातो टिका निधारमा’ एकल प्रदर्शनमा आएको छ ।   

हरेक हप्ताको शुक्रबार दुई वा तीन वटा चलचित्रको टक्कर हुँदै आईरहेको समयमा  नायिका साम्राज्ञी राज्यलक्ष्मी र नायक अंकित शर्माद्वारा अभिनित ‘रातो टिका निधारमा’ ले भने एकल रिलिज पाएको हाे ।   

अशोक शर्मा कै  निर्देशन तथा निर्माण  रहेको यस चलचित्रमा निर्देशक शर्माले छोरा अंकितलाई यसै चलचित्र मार्फत डेब्यु गराएका हुन् ।   

दशैँको मुखैमा प्रदर्शनमा आएको यस चलचित्रमा नायक अंकित र नायिका साम्राज्ञीसँगै नीता ढुंगाना, रविन्द्र झा, बुद्धि तामाङ, खुश्बु खड्का, राजाराम पौडेल, शिवहरी पौडेल, लक्ष्मी गिरी, बसुन्धारा भुषाल लगायतका कलाकारको अभिनय रहेको छ । अभिनेत्री नीता ढुंगाना भने रवीन्द्र झाको जोडीका रुपमा देखाइएको बताइएको छ । 

किरण शर्मा र कृति शर्माको लगानी रहेको यस चलचित्रलाई पुरुषोत्तम प्रधानले खिचेको हुन् भने मित्र डि गुरुङले सम्पादन गरेका हुन् ।