हत्या गरी फरार व्यक्ति पक्राउ

काठमाडौं / नुवाकोट साबिक घ्याङ्गफेदी गाबिस–८ बस्ने मख्खु भन्ने छेवाङ् तामाङलाई २०५७ माघ १६ गते घ्याङ्गफेदी गाबिस–३ मा धारिलो हतियार प्रयोग गरी कर्तब्य गरी मारेको कर्तब्य ज्यान मुद्दाको अनुसन्धानको क्रममा घटना देखि फरार रहेका प्रतिबादी साबिक घ्याङ्गफेदी गाबिस–७ हाल दुप्चेश्वर गाउँपालिका–१ बस्ने ४० वर्षीय मिङ्गमार लामा भन्ने कामी तामाङ्लाई केन्द्रीय अनुसन्धान ब्यूरोको प्रहरीले नुवाकोट, गुप्तेश्वर गाउँपालिका–१ मा लुकीछिपी बसेको अबस्थामा सोमबार फेला पारी पक्राउ गरेको छ ।

निजलाई मंगलबार जिल्ला प्रहरी कार्यालय नुवाकोट मार्फत नुवाकोट जिल्ला अदालतमा पेश गरिएकोमा पुर्पक्षको लागि जिल्ला कारागार कार्यालय नुबाकोट पठाइएको छ ।