यस्तो छ ‘चपली हाइट–३’ फष्टलुक, विनितालाई रिप्लेस गरिन् स्वस्तिमाले

भाद्र २५, काठमाडौँ । निकेश खड्काकाे निर्देशनमा चलचित्र ‘चपली हाइट–३’ बन्ने भएको छ । 

मंगलबार काठमाडौँमा पत्रकार सम्मेलन यस चलचित्रका निर्माता अर्जुन कुमारले उक्त कुराको जानकारी गराएका हुन् ।   

दीपेन्द्र के खनालको निर्देशन रहेको फिल्म ‘चपली हाइट’को तेस्रो संस्करणको रुपमा ‘चपली हाइट–३’ लाई निकेशले निर्देशन गर्न लागेको हो । 

‘चपली हाइट’को सिक्वेलमा बन्न लागेको यस चलचित्रमा ‘चपली हाइट’ कि मुख्य नायिका बिनिता बराललाई स्वस्तिमा खड्काले रिप्लेस गरेकी छिन् ।  अब बन्न लागेको  ‘चपली हाइट–३’ मा सबै नयाँ कलाकार भएता पनी ‘चपली हाइट’ का आमिर गौतम  भने  ‘चपली हाइट–३’ मा पनि अटाएका छन् ।   

‘चपली हाइट–३’ मा आमिर र स्वस्तिमासँगै महेश त्रिपाठी, सुपुष्पा भट्ट र नव अभिनेता प्रतिक श्रेष्ठको मुख्य भूमिका रहने जानकारी गराईएको छ ।   

आगामी चैत्रलाई प्रदर्शन मिती तोकिएको यस चलचिको फष्टलुक निर्माता अर्जुनले सार्वजनिक गरेका थिए ।