प्रस्तावित चार राजदूतहरुको नाम अनुमोदन

काठमाडौं । संसदीय सुनुवाई विशेष समितिले बिभिन्न देशका लागि प्रस्तावित चार राजदूतहरुको नाम अनुमोदन गरेको छ । 

सिंहदरबारमा आइतबार बसेको समिति बैठकले भारतका लागि राजदूत सिफारिस गरेका निलाम्बर आचार्य, मलेसियाका लागि सिफारिस उदयराज पाण्डे, यूएईका लागि कृष्ण ढकाल र इजरायलका लागि राजदूत सिफारिस गरिएकी अञ्जान शाक्यको नाम सर्वसम्मतले अनुमोदन गरेको हो । 

मन्त्रिपरिषद्को कात्तिक २५ गतेको बैठकले चारजनालाई बिभिन्न देशको राजदूतमा सिफारिस गरेको थियो । 

null

समिति वैठकले आइतबार नै चार राजदूतको सुनुवाई गरेको थियो । संसदीय समितिमा प्रस्तावित राजदुतविरुद्ध कुनै उजुरी परेको थिएन ।