प्रदेशका पनि सांसद उस्तै लाभि, प्रदेश राजधानीमै घर भए पनि संसदबाट घरभाडा बुझ्छन्

संघीय समाजवादी फोरम संसदीय दलका नेता जयराम यादव, नेकपाकी मीना यादव र लीलाबल्लभ अधिकारी तथा कांग्रेसकी बिन्दिया कार्कीको प्रदेश राजधानी विराटनगरमा घर छ । तैपनि उनीहरूले मासिक १५ हजारका दरले प्रदेश सभाबाट घरभाडा रकम बुझिरहेका छन् ।  

विराटनगरसँग सिमाना जोडिएको ग्रामथान गाउँपालिका घर भएका नेकपाका विजयविश्वास थारू र धनपालथान गाउँपालिका घर भएका ज्ञानेश्वर राजवंशी, इटहरी घर भएका सर्वध्वज साँवा र लिलम बस्नेत तथा विराटचोकका राजकुमार ओझा घरबाटै संसद् ओहोरदोहोर गर्छन् । तैपनि घरभाडाबापतको रकम भने बुझिरहेका छन् ।  

राजधानीबाट करिब ३० किलोमिटर दूरीमा घर भएका अन्य केही सांसद पनि घरबाटै संसद् आउ–जाउ गर्छन् । उनीहरूले पनि घरभाडा रकम भने बुझिरहेका छन् । 

null