‘मिस्टर एण्ड मिस मोडल अफ म्याग्दी’ को बिजेतामा हेना घोषित

पुस २२, काठमाडाैँ । सौन्दर्य प्रतियोगिता ‘मिस्टर एण्ड मिस मोडल अफ म्याग्दी’ को बिजेता बेनी क्याम्पसचोककी हेना खड्का छन्त्याल घोषित भएकी छिन् । 

म्याग्दी, किङ्ग क्रियशनले आयोजना गरेको ‘मिस्टर एण्ड मिस मोडल अफ म्याग्दी’को बेनीमा शनिबार भएको फाइनलमा ३२ प्रतिस्पर्धीलाई पछि पार्दै १४ वर्षीया छन्त्यालले मिस्टर एण्ड मिस मोडल अफ म्याग्दीको उपाधि र ताज हासिल गरेकी हुन् । उनले रु ५० हजार नगदसहित ताज र प्रमाणपत्र प्राप्त गरिन् 

null

साथै फस्ट रनरअफ कालीपुलकी सोनिया पुन भएकी छिन् । सोनियालाई म्युजिक भिडियोमा अभिनयको अवसर दिइने आयोजक किङ्ग क्रियशनका सुमन खड्काले बताए । ३२ प्रतिस्पर्धीहरु मध्य तीन जना युवा र १२ जना युवती अन्तिम १५ मा छनोट भएका थिए । 

मोडलिङमा रुचि राख्ने छन्त्यालले आफ्नो कलामार्फत जन्मभूमि र देशलाई चिनाउन योगदान गर्ने बताउँनुको साथै मिस्टर एण्ड मिस म्याग्दीको ताज पहिरिएपछि छन्त्यालले नसोचेको सफलता पाएको र सपनाजस्तो लागेको बताईन् । छन्त्याल बेनीको माउन्ट एभरेष्ट आवासीय माविको कक्षा ८ मा अध्ययनरत छिन् ।