बनेपामा स्कर्पियोले ठक्कर दिंदा मोटरसाइकल चालकको मृत्यु

साउन १९, काभ्रेपलाञ्चोक । शनिबार बिहान बनेपाबाट साँगा जाँदै गरेको मोटरसाइकललाई स्कर्पियो गाडीले ठाक्कर दिंदा मोटरसाइकल चालकको मृत्यु भएको छ । 

अरनिको राजमार्गअन्तर्गत बनेपा नगरपालिका–१४ साझा पेट्रोल पम्प नजिक बनेपाबाट साँगातर्फ जाँदै गरेको मोटरसाइकललाई विपरीत दिशाबाट आउँदै गरेको स्कर्पियोले ठक्कर दिंदा मोटरसाइकल चालक गम्भिर घाईते भएका थिए । 

null

स्कर्पियोको ठक्करबाट गम्भिर घाईते भएका बनेपा नपा–१२ कोटथुम्काका २१ वर्षीय मोटरसाईकल चालक रविन थापाको उपचारको क्रममा शिर मेमोरियल अस्पतालमा १०ः३५ बजे मृत्यु भएकाे प्रहरीले जनाएकाे छ । 

प्रहरीका अनुुसार सोही मोटरसाइकल पछाडी बस्ने बनेपा नपा–१२ कोटथुम्काका २६ वर्षीय सविन थापाको उपचार भने भइरहेको  छ । 

शनिबार बिहान करिब १० बजेको समयमा बा१७च ८११२ नम्बरको स्कर्पियोले बा५७प ९४६९ नम्बरको मोटरसाइकललाई ठक्कर दिंदा उक्त दुर्घटना हुन पुगेको हो । 

प्रहरीका अनुसार हाल स्कर्पियो सहित चालकलाई पक्राउ गरि आवश्यक अनुसन्धान भईरहेको छ ।