दुई मोटरसाईकल एक आपसमा ठोकिदा एकको मृत्यु दुईजना गम्भिर घाइते

सोमबार राति  करिब १० बजे  नेपालगन्ज स्थित दंगा नियन्त्रण  प्रहरी गण अगाडी धम्बोजी वाटरपार्क जाने भित्रि सडकमा दुई मोटरसाईकल एक आपसमा ठोकिदा एक जनाको मृत्यु  भएको छ । मोटरसाईकलमा सवार दुई  जना भने गम्भिर  घाइते भएका छन् ।

नेपालगन्ज १ वाटरपार्कबाट दंगा नियन्त्रण गण तर्फ आउदै गरेको भे ५ प ६५२६ नम्बरको मोटरसाईकल र धम्बोजीबाट कारकादो तर्फ जादै गरेको भे ७ प ११११ नम्बरको मोटरसाईकल अचानक ठोकिदा घटना भएको थियो । घटनामा भे ५ प ६५२६ नम्बरका मोटरसाईकल चालक नेपालगन्ज ४ का अभिशेष सिजापतिको उपचारको क्रममा नर्सिङ्ग होम मृत्यु भएको  थियो ।

यस्तै भे ७ प ६५६६ नम्बरका चालक बर्दियाका रोशन रानाभाट  र पछाडि सवार रोशन सल्लानी भने गम्भिर घाइते भएका थिए ।  उपचारका लागि दुबैलाई  नर्सिङ्ग होम नेपालगन्ज लगिएको थियो । नर्सिङ्ग होममा थप उपचार हुन नसक्ने भएपछि  ९ गते बिहानै थप उपचारको लागि दुबैलाई  भारतको लखनउमा रहेको सामरा हस्पिटलमा लगिएको थियो । उपचार कै क्रममा आज दिउँसो १ बजे रोशन रानाभाटका दुखद निधन भएको उहाँको परिवारले जनाएको छ । साथै अर्का घाइते रोशन सल्लानी उपचार कै क्रममा रहेका छन ।