आर्यनको अगाडी एलिशाको जवानी यसरी छल्कियो

असोज १२, काठमाडौँ । सम्पादन र निर्देशन साम्तेन भुटियाको रहेको  चलचित्र ‘च च हुई’को ‘जवानी’ बोल रहेको दोश्रो गीत सार्वजनिक गरिएको छ । 

आइतबार घटस्थापनाकाको मौका छोपेर सार्वजनिक गरिएको आइटम गीत ‘जवानी’ मा मोडल  एलिशा शर्माले ग्ल्यामर रुपमा  कम्मर मर्काउँदै नायक आर्यन सिग्देलसँग डान्स गरेकी छिन् ।   

शिशिर खातीको कोरियोग्राफी रहेको  उक्त गीतको छायाँकन बालाजुस्थित एनएफडिसीमा भव्य सेट बनाएर गरिएको थियो ।  उच्च  भिडियो क्वलिटी रहेको सो गीतमा निर्देशक साम्तेन भुटिया र बिनय सापकोटाको शब्द छ भने रोशन थापाको संगीत छ । रोशन र सुमन गुरुङको गीतमा स्वर  दिएका छन् । 

एजीएल इन्टरटेनमेन्टको ब्यानरमा अमृत घोले लामाले निर्माण गरेका यस चलचित्रमा आर्यनसँगै भोलाराज सापकोटा, मिरुना मगर, माओत्से गुरुङ, पुस्कर गुरुङ, बबिता मल्ल मुख्य भूमिका रहेको छ । 

चलचित्रमा  पटकथा सिजन दाहाल र सन्देश अर्यालको रहेको  छ भने छायांकन सुशन प्रजापतिको रहेको  छ ।  कमेडी विषय बस्तु आधारित राखेर बनाइएकाे  यस चलचित्रको प्रदर्शन मिती भने आगामी मङ्सिर ६ गते तोकिएको छ ।