कीर्तिपुरमा प्राइम कमर्सियल बैंकको नयाँ शाखा

कार्तिक ६, काठमाडौं । प्राइम कमर्सियल बैंक लिमिटेडले कीर्तिपुर नगरपालिकामा नयाँ शाखा विस्तार गरेको छ ।   

बुधबार एक समारोहका बिच बैंकका अध्यक्ष राजेन्द्र दास श्रेष्ठले शाखाको उद्घाटन गरे । योसँगै बैंकको शाखा कार्यालय संख्या ९६ पुगेको छ । 

शाखा उद्घाटन समारोहमा स्थानीय उद्योगी, व्यवशायी, शिक्षक, समाजसेवी तथा विभिन्न पेशाकर्मीहरुको उपस्थिति रहेको थियो ।   

बैंकले निक्षेपकर्ता तथा ग्राहकहरुलाई प्रदान गरिने सेवालाई थप गुणस्तरीय बनाउन आफ्नो सेवालाई थप चुस्त, आत्मीय र ग्राहकमुखी बनाउने लक्ष्य राखेको बैंकका नायब महाप्रबन्धक तथा प्रवक्ता भाइराजा तुलाधरले जानकारी दिए ।