जब मिडियाका क्यामरा कार्तिकमा तेर्सियो उनले किन मुख लुकाए ?

माघ २१ । बलिउड सेलिब्रिटी आफ्नो फिल्मका लागि जति चर्चामा रहन्छन् । त्योभन्दा पनि बढी आफ्नो प्रेम सम्बन्धका लागि चर्चा बटुल्छन् । आजकाल कार्तिक आर्यन पनि आफ्नो प्रेम सम्बन्धका कारण चर्चामा छन् । कार्तिक आर्यनलाई एकपटक पुनः आफ्नी प्रेमिका अनन्या पाण्डेसँग देखिएको छ । 

हुन त कार्तिकलाई पहिलो पटक प्रेमिकासँग भने देखिएको होइन । यसअघि पनि दुबैलाई थुप्रैपटक डिनर डेटमा रमाइरहेको भेटिएको थियो । यसपटक कार्तिकलाई उनकी प्रेमिका अनन्या पाण्डेसँग कारमा कतै जाँदै गरेको देखियो । जब मिडियाका क्यामरा कार्तिकमा तेर्सियो तब उनले आफ्नो मुख लुकाए । यस्तै, कारको ब्याकसिटमा बसेकी अनन्या पाण्डेभन्दा मुस्कुराइरहेको देखिइन् । 

null

स्मरण रहोस्, कफी विद करन सिक्को सेटमा सेफ अली खानकी छोरी सारा अली खानले कार्तिक आर्यनसँग डेट गर्ने इच्छा जताएकी थिइन् । साराको यो भनाई निकै चर्चामा रह्यो । त्यसपछि कार्तिकले पनि सारालाई जवाफ दिएका थिए । उनले भनेका थिए, ‘भ्याउने बित्तिकै तिमीलाई सारालाई डेटमा लैजानेछु । ’ 

एक अन्तर्वार्ताको क्रममा उनले साराको अभिनयको पनि प्रशंसा गरेका थिए । उनले भनेका थिए, ‘कलाकारको रुपमा मलाई साराको काम निकै मनपर्छ । मैले उनको फिल्म हेरेको छु । उनको अभिनय निकै राम्रो छ । उनको मनमा जे कुरा छ त्यो सबैको अगाडि भन्छिन्, यो नै उनको राम्रो पक्ष हो । यसबाट थाहा हुन्छ कि उनको मन कति सफा छ ।’ एजेन्सी