रजनीकान्तकाे एक बयानले तामिलनाडुमा भूकम्प

माघ १०, एजेन्सी । अभिनेता रजनीकान्तले द्रविड विचारक ईवी पेरियारमाथी दिएको एक बयानले तामिनाडुको राजनीतिमा भूकम्प गएको छ । तामिलनाडुमा आउने वर्ष विधानसभा निर्वाचन हुँदै छ र २०१७ मा रजनिकान्तले घोषणा गरेका थिए कि २०२१ मा चुनाव लड्नका लागि आफ्नै पार्टी लन्च गर्ने छन् ।   

रजनीकान्तल उक्त बयान १४ जनवरीमा दिएका थिए । त्यही बेला एक तामिल पत्रिका ‘तुगलक’ को ५० औं  वर्षगाँठका अवसरमा आयोजित कार्यक्रममा उनले सम्बोधन गरेका थिए । उक्त कार्यक्रममा उपराष्ट्रपति वेंकैया नायडू, आरएसएस विचारक एस गुरुमूर्ति र तुगलक पत्रिकाका सम्पादक चो रामस्वामी उपस्थित थिए ।   

चो रामस्वामीचो रामस्वामी 

आफ्नो भाषणमा रजनीकान्तले भनेका थिए, ‘तामिलनाडुको सेलमामा एक र्यालीका क्रममा पेनियारले श्री रामचन्द्र र सीताको निर्वस्त्र मूर्तिलाई जुत्ताको मालाका साथ जुलुस निकालिएको थियो । कसैले यो खबर छापेका थिएनन् तर चो रामस्वामी (तुगलक पत्रिकाका संस्थापक र पूर्व सम्पादक)ले यसको घोर आलोचना गर्दै पत्रिकाको पहिलो पृष्टमाा प्रकाशित गरेका थिए ।’   

‘यसले डीएमकको बदनामी भएको थियो । त्यसैले उनीहरुले पत्रिकाको कयौँ कपी जफत गरेका थिए । तर, तुगलकले उक्त संस्करणलाई पुनः प्रकाशन गरेको थियो । उक्त पत्रिका ब्ल्याकमा पनि बिकेको थियो । पत्रिकाको नयाँ संस्करणमा चो रामस्वामीले लेखेका थिए – यसरी करुणानिधीले तुगलकलाई लोकप्रिय बनाइदिए । योसँगै चो देशभर प्रसिद्ध भए ।’ 

रजनीकान्तको यो भाषण भाइरल भएपछि उनको विरोध शुरु भएको छ । द्रविड कडगम र अन्य पेरियारवादी संगठनले यस बयानको विरोध गर्दै रजनीकान्तविरुद्ध प्रदर्शन गरेका छन् । 

ई. वी. रामस्वामी पेरियार  

एक संगठन तंताई द्रविड कडगमले रजनीकान्तमाथि धार्मिक भावना भड्काएको आरोप लगाउँदै यसविरुद्ध उजुरी समेत दर्ता गरेको छ । कयौँ राजनेताले उनलाई माफी माग्न माग गरेका छन् । 

उक्त ¥यालीमा सामिल भएका द्रविड कडगमका महासचिव काली पूङ्गुद्रनले भने, ‘राजनीकान्तले उक्त घटनाको तथ्यलाई तोडमोड गर्ने प्रयास गरिरहेका छन् । २४ जनवरी, १९७१ को त्यो ¥याली अन्धविश्वासविरुद्ध भएको थियो । त्यो बेला चर्चित भारतीय आविष्कारक जीडी नायडूले उक्त कार्यक्रमको उद्घाटन गरेका थिए ।’ 

‘¥यालीका दौरान पेरियार एक ट्रकमा सवार थिए । यस दौरान जनसंघका सदस्यले कालो झण्डा देखाए । जब पेरियारको गाडी त्यहाँ पुग्यो, जनसंघ एक सदस्यले उनीमाथि चप्पल प्रहार गरे । चप्पल उनलाई नलागेर पछाडिको गाडीका लाग्यो । यसबाट द्रविड कडगमका सदस्य आक्रोशित बने र एक ट्रकमा लागिएको भगवान रामको एक तस्विरमाथि प्रहार गर्न थाले ।’ 

उक्त समय डीएमके सरकारले दक्षिणपन्थी संस्थाहरुलाई पेरियार र उनको र्यालीविरुद्ध विरोध प्रदर्शन गर्ने अनुमति दिएको थियो । 

उता, रजनीकान्तले भने आफ्नो बयानबाट पछि हट्न र माफी माग्न अस्वीकार गरेका छन् । मङ्गलबार द्रविड कडगमले चेन्नाईस्थित रजनीकान्तको घरको अगाडि विरोध प्रदर्शन गर्ने योजना बनाएका थिए । तर, विरोध सुरु हुनुभन्दा अघि नै रजनीकान्तले पत्रकार सम्मेलनको आयोजना गरेर पेरियारमाथि आफ्नो टिप्पणीका लागि माफी माग्न अस्वीकार गरे । 

‘कयौँले उक्त घटना भएकै छैन भनेर भन्छन् । मसँग आउटलुक छ, जुन हिन्दू ग्रुपको पत्रिका हो । सन् २०१७ मा आउटलुकको एक लेखमा यस घटनाबारे उल्लेख गरिएको छ । त्यसमा राम र सीताको मुर्तिलाई चप्पलले पिटिएको र माला लगाइएको बताइएको छ । मैले नभएको कुरा भनेको होइन । यो कुनै कल्पना होइन । मैले यसअघि मिडियामा छापेको कुरा बोलेको हुँ । त्यसैले म विनम्रतापूर्वक भन्न चाहन्छु कि म आफ्नो टिप्पणीका लागि माफी माग्दिनँ ।’ 

सन् २०१७ मा आउटलुकले एक लेख प्रकाशित गरेको थियो जसको शीर्षक थियो – तमिल ग्याङ राज । यो लेख कार्टुनको माध्यमबाट तमिलनाडु सरकारको आलोचना गर्ने कार्टुनिस्टको गिरफ्तारी पछि लेखिएको थियो । आफ्नो प्रेस वार्तामा रजनीकान्तले यही लेखबारे उल्लेख गरेका थिए । 

उक्त लेखमा पत्रकार जीसी सकेरले सन् १९७१ मा ¥यालीको तस्विर गलत जानकारीसहित प्रकाशित गरेको भन्दै चो रामास्वामीविरुद्ध कारवाही गरेको बताएका छन् । चोले पछि एक स्थानीय अदालतमा माफी माग्दै उनले यो जानकारी सेलमको एक स्रोतबाट प्राप्त भएको बताएका थिए ।