रेखाको फिल्ममा दयाहाङ र सौगात

माघ १, काठमाडौँ ।  ‘रेखा फिल्मस्’को व्यानरमा बन्न लागेको नयाँ चलचित्रमा नायक सौगात मल्ल र दयाहाङ राई अनुबन्धित भएका छन् । 

रेखा फिल्मस्’को तर्फबाट नायिका रेखा थापाले नै निर्माण लागेको यस चलचित्रमा सौगात र दयाहाङ सँगै नायिका रेखाले पनि अभिनय गर्नेछिन् ।   

आज माघे संक्रान्तिको अवसर पारेर  सविर श्रेष्ठले निर्देशन गर्न लागेकोे यस चलचित्रको लागि दयाहाङ र सौगातसँग कागजी रुपमा नै सम्झौता भइसकेको रेखाले सार्वजनिक गरेकी छिन् ।   

नारी प्रधान हुने बताईएको यस चलचित्रको  नाम भने फाईनल भईसकिएको छैन । चलचित्रको छायाँकन बैशाखबाट सुरु हुने र  आगामी लक्ष्मी पूजा सम्म प्रर्दशनमा ल्याउने बताईएको छ ।   

अहिले फिल्मको पटकथा एंव संवाद जगदिश्वर थापाले लेखिरहेका छन् । सिनेम्याटोग्राफर पुरुषोत्तम प्रधान हुन् । गीत तथा संगीत छनोट कार्य भैरहेको रेखाले बताउछिन् ।   

सौगात मल्ल र दयाहाङ राई जस्ता अभिनयमा पोख्त र दर्शकका प्रिय कलाकारसँग काम गर्न आफू उत्साहित रहेको रेखाले बताइन् । फिल्मको लाइनअप बलियो बनाउन रेखाले सौगात र दयाहाङ लिन लागेका हुन् । कथावस्तुले नै दयाहाङ र सौगात मागेको रेखाको भनाई रहेको छ । 

यस अगाडि रेखाले दयाहाङसँग फिल्म ‘नीरफूल’मा काम गरेकी छन् । दयाहाङ र सौगातले भने रेखाको फिल्म खेल्ने बिषयमा आधिकारीक धारणा सार्वजनिक गरेका छैनन् ।