कामना बैंकले मोबाईल टपअपमा गर्दा २५ प्रतिशत क्यासब्याक दिने

चैत्र, ६, काठमाडौं ।  कामना सेवा विकास बैंकले आफ्नो मोबाइल बैैकिङ्ग एपबाट टपअप गर्दा २५ प्रतिशत क्यासब्याक गर्ने भएको छ । बैंकले “प्रगतिको आधार कामना सेवासँगको कारोबार” भन्ने मूल नाराका साथ यस्तो सेवा प्रदान गर्ने भएको हो ।   

एफ वान सफ्टको सहकार्यमा सीमित अवधिको लागि यो योजना ल्याएको हो । यो सुविधा मोबाईल बैकिङ्ग एपबाट पहिलो पटक टपअप गर्ने ग्राहकले मात्र प्राप्त गर्ने छन् ।   

बैंकले देशका विभिन्न भागहरुमा १२३ वटा शाखा तथा ६४ वटा एटीएममार्फत आफनो सेवा तथा सुविधाहरु प्रदान गर्दै आएको छ ।   

साथै बैंकले एबीबीएस, एसएमएस बैकिङ्ग मोबाइल बैकिङ्ग, सी एएसबीए लगायतका माध्यमबाट समेत सम्पूर्ण बैंकिङ्ग सेवा सुविधाहरु उपलब्ध गराउँदै आएको तथा समय सापेक्ष आफ्ना सेवाहरु थप गर्दै जाने बैंकको योजना रहेको छ ।