फेसबुकको दुरुपयाेग गरी ठगी गर्ने पक्राउ

चैत्र २८, काठमाडौँ । सामाजिक सञ्जाल फेसबुको दुरुप्रयोग गरी युवतीहरूलाई ठक्ने एक व्यक्तिलाई प्रहरीले नियन्त्रणमा लिएको छ । प्रहरीले स्थानिय घर डोटी केआईसिंह गाउँपालिका–६ भई हाल कीर्तिपुरमा बस्दै आएका २६ वर्षिय केशवराज भट्टलाई पक्राउ गरेका हुन् । 

उनी माथी सामाजिक सञ्जाल फेसबुको दुरुपयोग गरी युवतीहरुलाई विवाह गर्छु भनी विभिन्न प्रलोभनमा पारी रकम समेत ठगी गरेकाे आरोप छ ।  आरोपी भट्टलाई विरुद्धमा महानगरीय अपराध महाशाखा टेकुमा उजुरी परेपछि भट्टलाईको खोजीकार्य भईरहेको अवस्थामा काठमाडौँको गौशालाबाट उनलाई पक्राउ गरिएको प्रहरीले जनाएको छ । 

null

प्रहरीका अनुसार आरोपी भट्टले विभिन्न उच्च पदका अधिकृतहरुको फोटो आफैले बनाएको फेसबुकको फेक अकाउन्टमा राख्नुका साथै आफू उच्च खानदानको व्यक्ति भई नेपाल सरकारको शाखा अधिकृत रहेको र विवाह गर्न चाहेको भनी विभिन्न प्रलोभन देखाई युवतीहरुलाई विवाह गर्छु भनि विश्वासमा पारी रकम समेत लिई ठगी तथा चरित्र हत्या गरी अलपत्र पारेको भन्ने उजुरीका आधारमा उनलाई पक्राउ गरिएको हो 

आरोपी भट्टलाई बुधबार कारवाहीका लागि विद्युतीय कारोवार ऐन अन्तर्गतको कसूरमा महानगरीय प्रहरी परिसर काठमाडौँ पठाईएको छ ।