यो वर्षको बिग बोस १२ को ट्रफी दिपिकाको हातमा

पुस १६, काठमाडौँ  । भारतीय च्यानल कलर्सबाट प्रसारण हुने चर्चित सिरियल ‘ससुराल सिमरका’ प्यारी बुहारी सिमर अर्थात दीपिका कक्कड २०१८ को बिगबोसको बिजेता घोषित भएकी छिन् । ससुराल सिमरका’मा दिपिकाले एउटा असल र प्यारी बुहारीको भूमिका निर्वाह गरेकी छिन् । 

बिगत तीन महिना देखी चलिरहेको भारतीय रियलिटी शो बिग बोसको हिजो राती भएको फाईनलमा बिग बोस १२ को बिजेतामा दीपिका कक्कडको नाम घोषित गरिएको थियो । उनले फाईनलमा भारतीय क्रिकेट टीमका पूर्व सदस्य श्रीसन्तलाई हराएकी हुन् ।  

null

बिगत ३ महिना देखी बिग बोसको घरमा कठिन यात्रा पछि दिपिकाले यो ट्रफि हात पार्न सफल भएकी हुन् । उनलाई बिग बोसको घरमा अरु प्रतिस्पर्धीहरुले खासै मन नपाराए पनी बाहिरबाट दर्शकहरुले उनको साथ दिईरहेका थिए । 

बिग बोसको १२ को बिजेतामा सलमान खानले दिपिकाको नाम घोषणा गरे लगतै लाखौँ उनका फ्यानले ट्विटरमा उनलाई वधाई पनि दिएका थिए । 

उनी बिजेता भए सँगै उनले याे साबित गरेकी छिन की बिग बसको हट सिटमा ‘टेलिभिजनका बुहारी’ को दाबेदारी भारी पर्छ । दीपिका भन्दा अघि बिग बोसमा शिल्पा सिन्दे, उर्वशी ढोलकिया, जुही परमार र श्वेता तिवारीले बिग बोसको ट्रफी हात पार्न सफल भएका थिए