अमेरिकामा कोरोनाबाट एकैदिन १ हजार बढीको मृत्यु, संक्रमितको संख्या २ लाख नाघ्यो

चैत २०, काठमाडौं । कोरोना भाइरस संक्रमणबाट अमेरिकामा एकैदिन १ हजार बढीको मृत्यु भएको छ । पछिल्ला दिनमा कोभिड-१९ को इपीसेन्टर बनेको अमेरिकामा बुधबारमात्रै १ हजार ४९ को मृत्यु भएको हो ।   

त्यहाँ संक्रमितको संख्या २ लाख नाघेको छ । जोन्स हपकिन्स युनिभर्सिटीले सार्वजनिक गरेको पछिल्लो आँकडाअनुसार अमेरिकामा कोभिड-१९ संक्रमतिको संख्या २ लाख १३ हजाभन्दा बढी छ । अमेरिकामा हालसम्म यस भाइरसको संक्रमणबाट मृत्यु हुनेको संख्या ४७ सय नाँघेको छ ।   

पछिल्लो २४ घण्टामा मात्रै अमेरिकामा करिब २७ हजार थप संक्रमितको पुष्टि भएको हो । अमेरिकापछि इटाली र स्पेनमा पनि संक्रमितको सख्या लाख भन्दा बढी भएको छ ।  

null