पहिलो ओभरमै सन्दीपले लिए विकेट

पुस ९, काठमाडौँ । नेपाली राष्ट्रिय टोलीका लेग स्पिनर सन्दीप लामिछाने बिग बास लिगको दोस्रो खेलमा शानदार प्रदर्शन गरिरहेका छन् । 

अस्ट्रेलियाको घरेलु क्रिकेट प्रतियोगिता बिग बासमा सोमबार जारी खेलमा सन्दीपले पहिलो ओभरमै विकेट लिएका छन्। 

null

मेलबर्न स्टार्सका लागि पावर प्ले पछिको पहिलो ओभरको तेस्रो बलमा लामिछानेले हुरिकेन्स विरुद्ध एक विकेट लिएका हुन्। आफ्नो दोस्रो ओभरमा सन्दीपले एक चौकासहित ७ रन खर्चिए। 

सन्दीपको टोली मेलबर्न स्टार्सले होबार्ट हुरिकेन्ससामु १ सय ५६ रनको मध्यम लक्ष्य प्रस्तुत गरेको छ । 

टस हारेर पहिले ब्याटिङ गरेको मेलबर्नले निर्धारित २० ओभरमा ५ विकेट गुमाएर १ सय ५५ रन जोडेको मात्रै जोड्न सक्यो । कप्तान ग्लेन म्याक्सवेलले ३१ बलमा ४७ रन बनाए । म्याक्सवेलले ५ छक्का प्रहार गरे । 

यस्तै निक लर्किनले ४५, मार्कुस स्टोनिसले २२ जोडे भने डुविन ब्राभोले १२ रन बनाए । होबार्टका जाफ्रा आर्चरले ३ विकेट लिए। 

दुवैले प्रतियोगितामा एक एक खेल खेलेका छन्। उक्त खेल स्टार्सले हारेको थियो भने होबर्टले जितेको थियो। स्टार्सले सिड्नी थन्डरसँग ४५ बलमा ८६ रन बनाउनुपर्ने लक्ष्य पाएपनि १५ रनले पराजित भएको थियो।